Co empara pa i mutons da rejoné y co podonse pa nos i sostegnì?
Tl cheder de chesta lezion provonse da ciafé na resposta a chesta domanda, tant scempla te n prum moment, ma complicheda assé sce an va plu sot.
La lezion va ite sun i aspec linguistics y cognitifs plu emportanc en cont dl prozes de acuisizion dl ladin coche L1. Ala en va daviadechel de coche l mut/la muta svilupeia sies competenzes linguistiches y de coche al/ala tol su l lingaz tolan en conscidrazion l contest te chel che al/ala é senté/eda ite (familia, ambient sozial, scola, etc.) coche ence l contest sozio-linguistich. Daviache al vegn metù n gran peis sun l ambient scolastich, végnel aprofondì chisc aspec en cont dles indicazions provinziales, enscì da svilupé na competenza frema sun i prinzips d’acuisizion dl L1 y na reflescion critica en cont di materiai didatics. Dlongia l ladin L1 vegniràl ence dediché n valgunes ores a la descusciun dl ladin L2, ajache la realté tles scolines y tles scoles ladines va tres plu tla direzion dl L2.
